श्राद्ध तिथी 2026: भारत, अमेरिका आणि UK साठी संपूर्ण पितृपक्ष तिथी कॅलेंडर

ज्या ज्या घरात श्राद्ध होतं, तिथे कधी ना कधी एक-दोन दिवस आधी तोच किंचित घाबरलेला प्रश्न विचारला जातोच: "थांब, बाबांची तिथी कोणती होती रे?" ही चूक लहान नाही, आणि विसरायलाही सोपी - कारण हिंदू पंचांग चांद्र दिवसांवर चालतं, जे आपण जगतो त्या सोमवार-ते-रविवार आठवड्यात नीट बसत नाहीत. भिंतीवरचं कालनिर्णय परदेशात सोबत नसलं, की ही धांदल आणखी वाढते.

पाच पंचांग ॲप्समध्ये शोधाशोध करावी लागू नये म्हणून हा लेख. खाली श्राद्ध तिथी 2026 पूर्ण दिल्या आहेत, तिथीनुसार, पौर्णिमा श्राद्धापासून सर्वपित्री अमावस्येपर्यंत - नवी दिल्लीसाठी drikpanchang.com वरून तपासलेल्या, आणि सोबत न्यूयॉर्क, टोरंटो आणि लंडनच्या स्थानिक तारखा.

श्राद्ध तिथी 2026 एका नजरेत

पितृपक्ष म्हणजे चांद्र महिन्याचा कृष्ण पक्ष (उत्तर भारतातल्या पौर्णिमांत गणनेत आश्विन, आणि महाराष्ट्रात वापरल्या जाणाऱ्या अमांत गणनेत भाद्रपद वद्य), जो श्राद्ध, तर्पण आणि पिंडदानाद्वारे पूर्वजांचा सन्मान करण्यासाठी राखून ठेवलेला असतो. 2026 मध्ये, भारतीय पंचांगानुसार:

• पौर्णिमा श्राद्ध: शनिवार, २६ सप्टेंबर २०२६
• कृष्ण पक्षाचा पहिला दिवस (प्रतिपदा): रविवार, २७ सप्टेंबर २०२६
• सर्वपित्री अमावस्या (महालय अमावस्या), शेवटचा दिवस: शनिवार, १० ऑक्टोबर २०२६

तुमच्या घरासाठी महत्त्वाचा दिवस तो, ज्याची तिथी तुमच्या पूर्वजांच्या मृत्यूच्या तिथीशी जुळते. त्यांचं श्राद्ध त्याच दिवशी होतं. सोयीनुसार निवडायची ही तारीख नाही.

पितृपक्ष 2026 तिथी कॅलेंडर, तारखेनुसार

खालच्या तक्त्यात प्रत्येक श्राद्धाची भारत (नवी दिल्ली), न्यूयॉर्क व टोरंटो, आणि लंडनसाठीची तारीख drikpanchang.com ने प्रसिद्ध केल्याप्रमाणे दिली आहे. तिथी स्थानिक सूर्योदयावरून मोजल्या जातात, त्यामुळे ठिकाणांनुसार एका दिवसाचा फरक पडू शकतो. उज्जैन आणि वाराणसी भारताचा कॉलम पाळतात, पण तिथीच्या सीमेजवळच्या वेळा शहरानुसार थोड्या बदलू शकतात.

2026 मध्ये दोन गोष्टी ठळक आहेत. भारतात चतुर्थी आणि पंचमी दोन्ही बुधवार, ३० सप्टेंबरला येतात. त्याउलट त्रयोदशी आणि चतुर्दशी वेगवेगळ्या दिवशी - ८ आणि ९ ऑक्टोबरला. काही वेबसाइट्सवर वेगळी विभागणी फिरते आहे; तुम्ही दुसरी यादी पाहिली असेल, तर वरचा तक्ता drikpanchang ची नवी दिल्लीची यादी दाखवतो.

एखाद्या निधनाची तिथी खरोखरच माहीत नसेल, किंवा लक्षात राहिली नसेल - जे घरं कबूल करतात त्यापेक्षा जास्त वेळा होतं - तर सर्वपित्री अमावस्या नेमकी त्यासाठीच राखलेला दिवस आहे. तो कमी दर्जाचा पर्याय नाही; तोच ठरवून दिलेला दिवस आहे.

अमेरिकेच्या वेळेनुसार श्राद्ध तारखा (आणि कॅनडा व UK साठी)

अमेरिका आणि कॅनडातल्या कुटुंबांसाठी पौर्णिमा ते चतुर्थी, आणि पुन्हा द्वादशी ते अमावस्या, बहुतेक श्राद्ध तारखा स्थानिक पातळीवर भारतापेक्षा एक दिवस आधी येतात. लंडन भारताच्या खूप जवळ आहे: फक्त तृतीया आणि चतुर्थी सरकतात.

कोणता कॉलम पाळायचा? परंपरा श्राद्ध जिथे होतं त्या ठिकाणच्या पंचांगाकडे झुकते. भारतातले पंडितजी तुमच्या वतीने विधी करणार असतील, तर भारताचा कॉलम वापरा. तुम्ही स्वतः, किंवा न्यू जर्सी वा लेस्टरमधल्या स्थानिक गुरुजींबरोबर करणार असाल, तर तुमच्या शहराचं स्थानिक पंचांग पाळा. शंका असेल, तर पंडितजींना विचारा; हा नेहमीचा प्रश्न आहे.

पूर्वजांचं श्राद्ध कोणत्या दिवशी करावं

ठरवण्याचा सोपा मार्ग:

1. मृत्यूची तिथी माहीत आहे. त्या तिथीची ओळ वापरा. मृत्यूची इंग्रजी तारीख महत्त्वाची नाही, फक्त तिथी.
2. फक्त इंग्रजी तारीख माहीत आहे. पंडितजी, किंवा drikpanchang चा श्राद्ध तिथी calculator, तिथी शोधून देऊ शकतो.
3. दोन्ही माहीत नाहीत, किंवा दिवस चुकला. सर्वपित्री अमावस्येला श्राद्ध करा.
4. आई किंवा आजी आहेत, आणि खात्री नाही. अनेक कुटुंबं मातृनवमी (अविधवा नवमी, ४ ऑक्टोबर) पाळतात.
5. निधन अचानक किंवा अपघाताने झालं. चतुर्दशी (भारतात ९ ऑक्टोबर) परंपरेने यासाठी राखलेली आहे.

परदेशात पितृपक्षात श्राद्ध कसं करायचं: त्या दिवशी काय होतं

अनेक वाचक शोधतात: परदेशात पितृपक्षात श्राद्ध कसं करायचं? तुम्ही कुठेही राहत असा, विधी तोच आहे. पंडितजी तुमच्या पूर्वजांचं नाव आणि तुमच्या गोत्रासह संकल्प करतात, तर्पण (काळ्या तिळांसह पाणी) आणि योग्य असेल तिथे पिंडदान (भाताचे पिंड) अर्पण करतात, आणि विहित विधी पूर्ण करतात. परंपरेनुसार श्राद्ध उशिरा सकाळपासून दुपारपर्यंत केलं जातं, शक्यतो नदीकाठी किंवा गया, प्रयागराज, वाराणसी अशा तीर्थक्षेत्री. महाराष्ट्रातल्या घरांत त्या दिवशी कावळ्यासाठी पान ठेवलं जातं, आणि कावळा शिवेपर्यंत सगळे वाट पाहतात - ती ओढ परदेशातही तशीच असते.

वाराणसीत राहणारं कुटुंब त्या सकाळी सरळ घाटावर उतरू शकतं. लंडनमधलं कुटुंब स्थानिक गुरुजी बोलवू शकतं, किंवा भारतातल्या लाइव्ह विधीत सामील होऊ शकतं. कर्तव्य तेच, फक्त वाटा वेगळ्या. DevPravas गया किंवा उज्जैनच्या घाटांवर श्राद्ध / पितृपक्ष पूजा करतं, संकल्पात तुमच्या नावांसह लाइव्ह-स्ट्रीम. संबंधित विधी - पिंडदान आणि पितृ तर्पण - हेही पूजा पानावर आहेत, आणि परदेशातल्या कुटुंबांना टाइम झोनची मदत NRI पानावर मिळेल.

योग्य ठिकाणापेक्षा योग्य तारीख का जास्त महत्त्वाची

पितृकार्यांसाठी तीर्थक्षेत्रांना खोल महत्त्व आहे, आणि कुटुंबं ती मनापासून जपतात. तरीही परंपरा सर्वात जास्त भर देते तो यावर: श्राद्ध योग्य तिथीला, योग्य पद्धतीने, पात्र व्यक्तीकडून, योग्य नाव आणि वंश उच्चारून व्हावं. हे बरोबर झालं की विधी जिथे होईल तिथे आपलं काम करतो.

म्हणूनच कुटुंबं आता आठवडाभर किंवा त्याहून आधी नियोजन करतात. व्यवस्थित तयारीसाठी पितृपक्षाला एक आठवडा: NRI चेकलिस्ट पाहा. १० ऑक्टोबरबद्दल सविस्तर वाचण्यासाठी सर्वपित्री अमावस्या: सर्वात महत्त्वाचा श्राद्धदिवस, आणि नवरात्रीकडे होणाऱ्या संक्रमणासाठी महालय 2026: पितृपक्ष संपण्याचा दिवस.

नेहमी विचारले जाणारे प्रश्न

तुमच्या कुटुंबाचं श्राद्ध योग्य दिवशी बुक करा

तुमचा आठवडा कितीही भरलेला दिसो, योग्य तिथी हातून निसटायला नको. वरच्या श्राद्ध तिथी 2026 तक्त्यातून तुमचा दिवस शोधा, मग WhatsApp वर संदेश पाठवा. समन्वयक तारीख निश्चित करून गया किंवा उज्जैनच्या घाटांवर पंडितजींची व्यवस्था करेल, तुमची नावं आणि गोत्र अचूक उच्चारून. तयार असाल तेव्हा थेट बुकही करू शकता.